Naon ari khouf?

Ari khouf nyaeta :

تَوَجُّعُ القَلْبِ مِنْ خَشْيَةِ الوَعِيْدِ

“Ngarasa nyeuri (geuring) hate tina lantaran sieun ku ancaman”.

Sapertos teu ngarasa aman tina akibat

dosa, sabab jalma anu midameul dosa diancam ku siksaan Alloh anu bangeut ngalarakeun nana, eta mah naha dosa kulantaran midameul larangan Alloh, atawa dosa kulantaran ninggalkeun parentahan nana.

Tong Nganggap Leutik Kana Dosa, karena mun teu meunang pangampura, tangtu bakal cilaka ku meunang siksa naraka.

Kanjeung Nabi Shollallohu ‘alaihi wasallam, Ngadawuh :

المؤمن يرى ذنوبه كأنه قاعد تحت جبل يخاف أن يقع عليه، المنافق يرى ذنوبه كالذباب مر على أنفه.

Ari jalmi mu’min eta bakal ningali kana pirang2 dosana, saolah2 anjeuna calik dina sahandapeun gunung bari mikasieun katimpaan ku eta gunung, ari jalma munafek eta bakal ningali kana pirang2 dosana kana saperti laleur anu ngaliwat dina luhureun irungna.

Naon ari roja?

Ari roja nyaeta :

هو الرجاء في الله سبحانه وتعالى بأن يغفر له ولا يعذبه.

“Ngareup-ngareup ka gusti Alloh kana menang pangampura dosa sareung lubar tina siksaan nana.”

Sapertos ngayakinkeun nana urang kana yen PANGAMPURA Gusti teh eta langkung luas / ageung tinimbang DOSA-DOSA urang.

Namung sok sanaos kitu, urang kedah teuteup ngarasa diri teu AMAN tina Makar (Tipu daya) Alloh.

Mangka kumargi kitu, di diri urang kedah aya KHOUF sareung ROJA, karana upami mung wungkul aya roja bari teu aya khouf mangka urang bakal ngarasa AMAN (teu sieun) ku Makar & Siksa Alloh, oge upami mung wungkul aya Khouf bari teu aya Roja mangka urang bakal putus asa tina PANGAMPURA & ROHMAT Alloh.

اللهم مغفرتك اوسع من ذنوبنا، ورحمتك أرجى عندنا من عملنا.

Nun Gusti Alloh, ari pangampura anjeun gusti, eta langkung luas tinimbang pirang2 dosa abdi sadaya, sareung ari Rohmat anjeun gusti eta langkung di areup2 ku abdi sadaya tinimbang amal abdi sadaya.